Nus Lions havein la finamira da s’engaschar per la societad.
Cun il recav dalla Convenziun Naziunala lein nus sustener finanzialmein vigurusamein il project «Spazi d’inscunter» dalla Fundaziun «Futur Spital d’affons Svizra Centrala». Communablamein gidein nus da realisar in emperneivel spazi per affons e geniturs che ston star pli liung temps el spital. Cun sentupadas e giugs duei quei spazi levgiar la dimora als affons sco era a lur geniturs e confamigliars. Aschia sustenin nus affons e giuvenils malsauns duront lur reconvalescenza.
Quei ei ina activitad regiunala e cuzzeivla per nos affons! La Fundaziun «Futur Spital d’affons Svizra Centrala» (www.zukispi.ch) s’engascha tenor l’incarica da prestaziun dil Cantun e dil Spital cantunal da Lucerna per il beinstar d’affons e giuvenils malsauns.